ජන කවි (folk poems/ Jana kavi)

ඉරේ රුව බලන් ඉරගල වැටෙන                    කොට
සඳේ රුව බලන් සඳගල වැටෙන                    කොට
මලේ රුව බලන් අතු අග පිපෙන                    කොට
වැවේ රුව බලන් කොක්ගල පිරෙන               කොට

සොරබොර වැවේ එගොඩත් ඉන්නේ             වැද්දෝ
සොරබොර වැවේ මෙගොඩත් ඉන්නේ           වැද්දෝ
සොරබොර වැවේ දොගොඩම ඉන්නේ           වැද්දෝ
අපටත් නෙළුම් මල් අහුලන්නට                     දෙද්දෝ

නාලිය ලස්සනයි කටහඬ                          මොලකැටිය
නාලිය ලස්සනයි ඇඳි වතක                              ඉඟටිය
නාලිය ලස්සනයි යන ගමනේ                            සැටිය
නාලිය ලස්සනයි බැස නෙළන                      කෙකටිය

ඉණේ බලාපන් ඉනවට සේළ                           බලාපං
අතේ බලාපං අතවට ගිගිරි                                බලාපං
කරේ බලාපං කරවට මාල                                බලාපං
දැදුරු ඔයෙන් එන එතනගෙ ඔමරි                     බලාපං

ජලේ යන්ට බැරි මැණිකේ ජල බොර               වෙනවා
මලේ යන්ට බැරි මැණිකේ රේණු                තැලෙනවා
ගලේ යන්ට බැරි මැණිකේ දෙපය                  රිදෙනවා
කවි කියන්නට බැරි මැණිකේ උගුර                රිදෙනවා