මල්ලිත් මමත් කෙළ කෙළ යන ඕවිටට
අනිනා මී දෙනක් ආවයි ඉස්සරට
වට පිට බැලිම් ගසකුත් නැත නගින්නට
පිට පට ගසා නැග්ගයි තුත්තිරි ගසට
කන්දේ ගලේ වී වැපුරුනෙ මනාව යි
ඒක කන්ට කක්කුට්ටන් දෙබාන යි
පොල් කිච්චා හිස පීරන පනාව යි
බට්ටිච්චාට හිර දෙඩුවා හිනාව යි
වත්තේ එක ගසයි සෙවනැල්ල විසිතුරු
බිව්වෙත් එක තනේ කිරිමය රස මියුරු
ඇත්තෙත් එක නඟයි අයියණ්ඩියනි ගරු
මාත් හැර වෙනත් ඇද්දැයි නඟාවරු
ඉණේ බලාපන් ඉණ වට සේල බලාපන්
අතේ බලාපන් අත වට ගිගිරි බලාපන්
කරේ බලාපන් කර වට මාල බලාපන්
දැදුරු ඔයෙන් එන එතනගෙ ඔමරි බලාපන්
No comments:
Post a Comment