වරම් වරම් මට මහ බඹු අතින් වරම්
වරම් වරම් ඉසිවර දෙවි අතින් වරම්
වරම් වරම් සක්දෙව් රජ අතින් වරම්
වරම් වරම් ගොවිකම් පද කරන වරම්
උඩින් සිටින ඉරු දෙවියෝ සෙවණ කරා
බිමින් සිටින මිහිකත් දෙවි කළස දරා
වටින් සිටින සැම දෙවියෝ අරක් කරා
ඉතින් කපමු අපි එකතුව ගොයම් පුරා
අසී නාද හඞ බඹරුගෙ ලීලා
පැසී ගොයම් පත් කිරට නැමීලා
ගැහී සුළං වාතෙට ඉති නැමීලා
පැසී ගොයම් කෙත සුරපුර ලීලා
පේරු ඇතුව වී පැළකර ගන්නේ
සීරු ඇතුව මුත්තෙට්ටු උයන්නේ
පෝරු ගගා වල ගොඩැලි මකන්නේ
ගෝරු කළල් මඩ ගොඩට ඉසින්නේ
කරට බඳින රන් මිණි මුතු මාලා
කණට ඔබින රන් තෝඩු දමාලා
අතට ගිගිරි රන් වළලු දමාලා
ඇඟට ඔසරි සුදු සේල දමාලා
වරම් වරම් ඉසිවර දෙවි අතින් වරම්
වරම් වරම් සක්දෙව් රජ අතින් වරම්
වරම් වරම් ගොවිකම් පද කරන වරම්
උඩින් සිටින ඉරු දෙවියෝ සෙවණ කරා
බිමින් සිටින මිහිකත් දෙවි කළස දරා
වටින් සිටින සැම දෙවියෝ අරක් කරා
ඉතින් කපමු අපි එකතුව ගොයම් පුරා
අසී නාද හඞ බඹරුගෙ ලීලා
පැසී ගොයම් පත් කිරට නැමීලා
ගැහී සුළං වාතෙට ඉති නැමීලා
පැසී ගොයම් කෙත සුරපුර ලීලා
පේරු ඇතුව වී පැළකර ගන්නේ
සීරු ඇතුව මුත්තෙට්ටු උයන්නේ
පෝරු ගගා වල ගොඩැලි මකන්නේ
ගෝරු කළල් මඩ ගොඩට ඉසින්නේ
කරට බඳින රන් මිණි මුතු මාලා
කණට ඔබින රන් තෝඩු දමාලා
අතට ගිගිරි රන් වළලු දමාලා
ඇඟට ඔසරි සුදු සේල දමාලා
No comments:
Post a Comment