ඔන්චිලි වාරම් (Onchili waaram)

විසිතුරු කර බැඳි රන්                   ඔන්චිල්ලා
රිසි රිසි අය අරගෙන                    පැදපල්ලා
ඇසි පිය නොහෙලා බලා                සිටිල්ලා
කිසි තැන නැත මේ රන්              ඔන්චිල්ලා

උඩ යන රවුමට පපුවයි                      දන්නේ
පයතට එනකොට නිවලයි                 එන්නේ
පොල්ලක් පැන්නට බය        නොසිතෙන්නේ
පත්තිනි දෙවිඳුට පින්                      දීපන්නේ

අට දෙන අටකොන වාඩි                වෙයල්ලා
සිටගෙන දෙන්නෙක් පොලු             පාගල්ලා
වවුලන් ලෙස කැරකෙන               ඔන්චිල්ලා
අපිත් පදිමු දැන් රන්                     ඔන්චිල්ලා